O alcalde de Bóveda, José Manuel Arias, acompañado da concelleira de Medio Ambiente e Medio Rural, Natividad Rodríguez, mantiveron na mañá deste luns unha reunión de traballo cunha representante da empresa Proyestegal, encargada de desenvolver o polígono agroforestal de Bóveda.
A principios do mes de xullo volverá haber unha nova reunión na que participará o Concello de Bóveda, a empresa e AGADER para avanzar nos trámites administrativos correspondentes.
De seguido, abrirase un período de consultas e información para que os veciños e veciñas interesadas/os poidan formalizar a súa adhesión ao polígono agroforestal para o que lles será requirida a documentación de titularidade das fincas. Será os luns, martes e xoves.
