As funcións a realizar con esta bolsa de emprego son atencións domésticas –actividades e tarefas no fogar– e atencións persoais, tipo compañía, hixiene persoal, acompañamento a xestións, mobilización dentro do fogar, etc. A selección de persoal realízase mediante o sistema de concurso con valoración de méritos. As xornadas poden ser completas ou parciais en función da praza que se cubra en substitución.
“Na Pobra do Brollón temos un servizo de axuda no fogar reforzado que supera o esixido pola Xunta,” declara o alcalde, Xosé Lois Maceda. “Con esta bolsa de emprego queremos seguir ofrecendo este servizo coas máximas garantías para o benestar e calidade de vida dos nosos veciños,” engade
As bases xa están publicadas no BOP e na sede electrónica do Concello da Pobra do Brollón (https://concelloapobradobrollon.sedelectronica.es/info.1). O prazo para presentar solicitudes acaba o luns 10 de xullo.
