No Concello foron recibidos pola alcaldesa, Olga Iglesias, e asinaron no Libro de Ouro do municipio. Un dos mozos quere ser político, gústalle o mundo do audiovisual e así o demostra coa súa cámara facendo vídeos e fotos. A outra das mozas encántalle o deporte e compaxina xogar no Lugo con traballar nun laboratorio. Xuntos gozan organizando actividades e enriquecendo as propostas da asociación.
Unha delas foi a primeira muller con síndrome de Down que conseguiu ter traballo en Galicia. Outro dos mozos sufriu dobre discriminación social pola súa discapacidade e pola súa condición étnica, aínda que agora ten un traballo estable e é un exemplo a seguir na asociación.
Hai quen tivo que facer responsable dos coidados dos seus pais e dous mozos son parella desde a infancia. As dificultades que atopan no camiño non son obstáculo para seguir perseguindo os seus soños e para manter vivas as súas ilusións. De aí a importancia de darlles visibilidade e axudarlles.
O Concello de Triacastela está orgulloso de achegar o seu gran de area para que as persoas con síndrome Down poidan participar de actividades cotiás e habituais na súa contorna social. É por iso que “amosa o seu compromiso colaborando con estas actividades de divulgación e concienciación para promover un cambio social no que as persoas con discapacidade intelectual sexan aceptadase respectadas como parte da diversidade.”
Fundación Down visita Triacastela / Concello de Triacastela
