O Punto Limpo onde deben depositarse os residuos voluminosos (mobles, colchóns,…)  restos metálicos do fogar, cascallos de pequenas obras (ata 25 quilos), electrodomésticos, pilas ou baterías,… abrirá gratuitamente un día ao mes para que as persoas que o desexen poidan levar directamente aqueles refugallos dos que se queiran desfacer. O día escollido é o último venres de cada mes, polo que neste mes de agosto será o día 25. O horario entre as nove da mañá e a unha do mediodía.

Mantense a apertura do punto limpo previa cita fóra da xornada de portas abertas, pero neste caso tamén é preciso abonar a taxa correspondente por residuo que se vaia depositar.

O concelleiro de Medio Ambiente, Luís Manuel Arias, asegura que “a medida tómase para evitar que aparezan vertedoiros ilegais nalgún punto do municipio” e abre a posibilidade de que dependendo da demanda existente na xornada de portas abertas do Punto Limpo, póidase levar a cabo dous días ao mes.