A aldea de Montefurado fará festas no mes de agosto adiantando a celebración do San Miguel aos días 4 e 5 deste mes.
Un adianto festeiro que non impedirá, comenta a veciña María Fierro, que en setembro se teña Misa e Procesión na honra do Patrón desta localidade en datas próximas ao día propio, o 29 de setembro.
“Este mes temos máis mocidade e xente“, comenta tamén María como un dos motivos que levou á veciñanza a esta decisión que se tomou as pasadas semanas.
No que respecta ao programa, este venres día 4 de agosto haberá verbena ás 23:00 h. coa Discomóbil Boa Festa; mentres que o sábado 5 terán lugar os actos relixiosos e unha sesión vermú pola mañá e baile e verbena pola noite a cargo da Discomóbil Chic. Este día, o grande e de remate das festas, tamén haberá unha churrascada popular para a veciñanza e achegados/as que se apuntaron previamente.
