A Asociación Fonte do Milagro de Froxán, en Folgoso do Courel, vén de anunciar sen ter rematado agosto que xa ten pregoeira para a Festa da Pisa 2023. Trátase da coñecida cantante e intérprete monfortina Rosa Cedrón.
O evento, un dos máis esperados do inverno nas terras do Courel, celebrarase o 8 de decembro, día da Inmaculada e festivo de carácter nacional.
A asociación sinala tamén que irá informando do programa e outras novidades nas súas redes sociais e na súa páxina web.
