Desde o concello de Monforte destacan que hai diversos aspectos que contribúen a que esta actividade sexa importante: a súa relevancia na recuperación do río Cabe e a súa contorna como elemento patrimonial de primeira orde en Monforte, o seu papel de acontecemento dinamizador de actividade a carón do río e o fomento que supón para manter vivo o amor pola rica tradición fluvial. E tamén é unha actividade que fomenta o deporte, ó ser os propios usuarios os que exercen de remeiros nas barcas.

Así, en setembro poden seguir alugándose barcas de paseo no embarcadoiro do Parque dos Condes, cunha duración de media hora a un prezo de 3,25 euros:

• Luns a venres, tardes de 17:00 a 21:00 h.
• Sábado, domingo e festivos, mañás de 11:00 a 14:00 h e tardes de 17:00 a 21:00 h.