HomesociedadePladesapu denuncia inundacións por falta de mantemento no Hospital de Monforte

Pladesapu denuncia inundacións por falta de mantemento no Hospital de Monforte

Segundo a Plataforma en Defensa da Sanidade da Zona Sur de Lugo, as tormentas dos últimos días trouxeron serias consecuencias no hospital, "por non ter un mantemento axeitado das instalacións".

Publicado o

POR
Redacción
- Advertisement -

Pladesapu asegura que “na madrugada do venres ao sábado, debido á tormenta e ás malas condicións dun tellado que leva anos pendente de ser arranxado, producíronse inundacións nas áreas de maternidade, hospital de día, laboratorio, plantas de hospitalización,…; movilizando a todo o personal para evitar o aumento desas inundacións con sábanas, toallas, fregonas e todo o que atopaban para
que non afectase en moita medida aos pacientes ingresados e aos aparellos.”

Entre as consecuencias máis graves destacan “o traslado de pacientes dunhas habitacións a outras”. Desde a Plataforma, e como persoal e usuarios dos servizos do Hospital, manifestan a súa indignación “coa dirección do Hospital e coa EOXI da que supostamente dependemos, polo pasotismo nun tema que vén de anos; xa que o tellado deste edificio leva pendente de arranxarse moito tempo provocando que cada pouco, ante tormentas importantes volvan aparecer inundacións en moitas das zonas deteriorando o mobiliario e provocando incomodidades aos pacientes.”

A este respecto, resúltalles chamativo que estas inundacións tamén afectaran a zonas de recente modificación, como o servizo de laboratorio , “É vergonzoso que mentres pechan plantas para darlles un lavado de cara, pintando paredes e cambiando o mobiliario; o tellado leve anos sen arranxarse sendo unha das partes máis importantes do edificio, e o Sergas sen facer nada”.

ÚLTIMAS

DeNinghures e Mondra no escenario Chantada do Festival 17º Ribeira Sacra este 28 de xullo

Os concertos do Escenario Chantada levaranse a cabo no Parque Eloísa Rivadulla, “en Chantada...

Xosé Estévez presenta o 24 de xullo en Quiroga o seu novo libro “Manuel María e o Val de Quiroga”

O historiador e profesor quirogués, Xosé Estévez, presentará o vindeiro mércores, 24 de xullo,...

Monforte inicia este luns nova campaña informativa sobre a reciclaxe da materia orgánica

Colocaranse carpas en diferentes puntos da cidade, sobre o “Plan de Xestión da materia...

Por Chantada demanda equipamento para emerxencias acuáticas nos Parques de Bombeiros

A Moción do grupo municipal Por Chantada – Interior Galego Vivo para a mellora...