Unha comida nun restaurante de Monforte permite a este grupo de exalumnos verse e intercambiar experiencias, como fixeron por primeira vez hai 63 anos.

“Poder compartir este evento sempre é un momento entrañable e alegre. Non sabemos cuantos alumnos noutros cursos e disciplinas teñen a alegría de celebrar un aniversario tan elevado en anos”, aseguran.

O día, como sempre, coa alegría e sorrisos que dá verse de novo, excepto a mágoa de que algúns non puideron asistir por situacións persoais e lembráronos con agarimo e coa confianza en atoparse no encontro do vindeiro ano. “Xa, nas nosas idades, poder ter estas vivencias é un dar grazas á vida”, conclúen.