A Asociación de empresarios de Chantada e CCA Ribeira Sacra quere ter un detalle coa cativada aproveitando estas datas na que comezaron as clases. Para iso, e como ten feito en anos anteriores, organiza unha festa na que non faltarán inchables, lambetadas, música e unha Festa da Escuma.

Será este venres 15 de setembro no Parque Eloísa Rivadulla entre as 17:00 e as 20:00 h. e para acceder a todas as actividades que se ofrecen será preciso presentar un ‘pasaporte’ selado, como mínimo, por 5 negocios asociados de Chantada.

A actividade está cofinanciada pola Xunta de Galicia, Vicepresidencia Primeira e Consellería de Economía, Industria e Innovación, colaborando tamén o propio Concello de Chantada.