Lembra Pladesapu que esta zona do hospital estivo pechada dende a segunda quincena de xuño ata o día 1 de outubro. 14 semanas nas que as 27 camas coas que conta este servizo quedaron inutilizadas

A xerencia do centro argumentou a comezos do verán que o peche era xustificado, xa que baixaba o número de pacientes desta especialidade, ademais de que aproveitarían para facer obras. “Despois dun verán con pacientes de medicina interna ingresados incluso na planta de maternidade, pois as vinte oito camas da planta de especialidades eran claramente insuficientes para estos doentes, Medicina interna abre as súas portas cunha capa de pintura branca nas súas paredes,” denuncia Pladesapu.

A Plataforma insiste en que a única razón do peche de Medicina interna foi “a redistribución do persoal deste servizo polo hospital para cubrir vacacións, e aforrar así contratar persoal externo. Isto contribuíu a sobrecarga das outras áreas de hospitalización, a sobrecarga do persoal e sen obter ningún tipo de beneficio a cambio.”