A Consellería do Medio Rural daba o incendio por estabilizado na mañá deste venres coa axuda da choiva que caeu nas últimas horas. Nos traballos de extinción participaron 14 brigadas de bombeiros forestais, coordinados por dous técnicos e seis axentes ambientais que contaron con sete camións cisterna, unha unidade técnica de apoio e dous buldóceres.

Segundo os datos ofrecidos pola Consellería, as hectáreas afectadas foron 80. Nos concellos de Trabada e Foz tamén se deron 2 incendios que afectaron a 160 e 70 hectáreas respectivamente.