IniciosociedadeA asociación de municipios do Camiño de Inverno a Santiago aproba o...

A asociación de municipios do Camiño de Inverno a Santiago aproba o seu Plan de Dinamización 24-27

A asociación de municipios do Camiño de Inverno a Santiago celebrou esta semana, en Vilamartín de Valdeorras, asemblea xeral extraordinaria. Os concellos participantes analizaron e presentaron as súas propostas para seguir mellorando o Camiño de Inverno, que parte de Ponferrada e transita polas catro provincias galegas, catro denominacións de orixe e comarcas como as de Valdeorras, Ribeira Sacra e Deza.

Publicado o

POR
Redacción
- Advertisement -

O obxectivo principal da Asemblea foi a presentación e aprobación do Plan de Dinamización 2024-2027. Este plan presentouse a todos os socios como un documento marco froito dun traballo de campo, que pon de relevo, desde as fortalezas e debilidades observadas no territorio do Camiño de Inverno, á necesidade de facer fronte a unha serie de retos estratéxicos que teñen que ver coa atención ao peregrino, visibilidade do Camiño, aumento de alianzas e colaboracións, así como potenciar o desenvolvemento turístico do territorio.

“A través deste Plan”, subliñou a Tte de alcalde, Gloria Prada, como representante do concello de Monforte de Lemos “poderemos dar a coñecer o potencial turístico e patromonial co que conta Monforte, non so ó resto de asociados, senón tamén e sobre todo, a todos os que transitan por esta ruta xacobea do Camiño de Inverno, que ano a ano aumenta o seu número de peregrinos”.

Acordouse traballar en catro liñas de actuación:

  • Servizos ao Peregrino, pretende aumentar a rede de albergues dispoñibles, mellorar as instalacións existentes e dotar de máis servizos ao camiñante.
  • Difusión do Camiño de Inverno, busca dispoñer dunha formulación que mellore a difusión e a comunicación en torno ao Camiño de Inverno incrementado a súa visibilidade e presenza social, mediante, entre outras accións, mellora da páxina web, potenciación das redes sociais, realización de xornadas etc.
  • Xestión de colaboradores e alianzas con todos os grupos de interese vinculados ao Camiño de Inverno e ao territorio para xerar colaboración mutua e sinerxías.
  • Desenvolvemento turístico, pretende traballar en conxunto cos actores locais para o desenvolvemento turístico do lugar, coa intención de mellorar e promocionar os recursos turísticos do territorio do Camiño  de Inverno.

A Asemblea comprometeuse a traballar dentro de cada liña de acción, marcando e priorizando cada un dos obxectivos e actuacións que se detallan dentro do plan de dinamización.

ÚLTIMAS

Álvaro Gómez, con orixes soberinas, dobre campión nacional de bádminton Sub-11

O Club Escola Rosalía de Vigo de Bádminton vén de acadar uns moi bos...

Éxito de participación na II Carreira contra o Cancro de Monforte

A II Carreira e Andaina “Monforte en Marcha contra o Cancro” que se celebrou...

Un ano de cárcere e tres inhabilitado para ter animais para o acusado de envelenar á gata do veciño en Samos

A maxistrada do Xulgado do Penal número 1 de Lugo inhabilitou durante tres anos para...

Éxito das actividades programadas polo Consorcio de Turismo da Ribeira Sacra neste outono

O programa Somos de Outono 2023 · A Caída da Folla 2023  contou cun...