IniciosociedadeVilañán, novo miradoiro sobre o val de Quiroga

Vilañán, novo miradoiro sobre o val de Quiroga

Este miradoiro acaba de ser acondicionado polo GDR Ribeira Sacra-Courel. Trátase dunha estrutura de madeira sobre unha rocha que xa se utilizaba para contemplar o val pola súa estratéxica situación e que os veciños da zona xa chamaban a “Pena de Pensar ou Miradoiro de Vilañán”.

Publicado o

POR
Redacción
- Advertisement -

O Xeoparque Montañas do Courel conta cun novo punto de observación situado na serra de Vilañán, no Concello de Quiroga. A estrutura permite contemplar a totalidade do val do río Quiroga dende o seu nacemento na cara suroeste do Pía Páxaro, preto de Vilarbacú, coa unión dos regos Porto Murelos, as Lagoas e Curuxido, ata a súa desembocadura no río Sil en Quiroga, tras recorrer 24 km.

Para facilitar o acceso colocouse unha escaleira de madeira e unha varanda, que se complementaron cun banco que permite gozar das vistas e da paz e tranquilidade que se respira neste lugar. Como remate da obra, nuns días, colocarase un panel explicativo da zona que se pode ver dende este punto.

Numerosos núcleos espallados por todo o val, Quiroga, San Clodio e puntos destacados como o Pía Páxaro (1.610 m) e Formigueiros (1.639 m), os cumes máis altos do Xeoparque da UNESCO; o Alto do Boi, límite entre os concellos de Quiroga e Folgoso do Courel, ou Castro de Ares poden contemplarse dende este miradoiro. Sen esquecernos da serra de Ribas de Sil na subida a San Xoán de Río (Ourense).

O miradoiro está situado a 7 km de Quiroga. Os primeiros 4 km de pista asfaltada son o acceso dende a vila quiroguesa a Vilañán, os tres seguintes discorren por unha pista de terra, a mesma que leva ata o despegue de parapente.

Este percorrido foi o que fixo o alcalde de Quiroga, José Luis Rivera, para comprobar esta nova estrutura e as súas vistas. O miradoiro xa forma parte da rede de miradoiros do Xeoparque Mundial Nontañas do Courel, que a través de 26 puntos estratéxicos repartidos por todo o seu territorio permite observar a rica historia xeolóxica, a paisaxe e o patrimonio cultural que este xeoparque engloba.

Miradoiro de Vilañán / Concello de Quiroga

ÚLTIMAS

O Concello de Monforte apoia con 5.000 euros a participación de Eduardo Iglesias no Dakar

O piloto Eduardo Iglesias volverá competir no Rally máis duro do mundo e farao...

Que pasa no centro de saúde de Chantada?

O Concello de Chantada acordaba, no pleno celebrado en setembro, que o alcalde, Manuel...

Dous días máis de permiso para os traballadores do concello de Monforte pola coincidencia en domingo dos festivos de Nadal

As traballadoras e traballadores públicos do concello de Monforte poderán gozar de dous días...

A A.V. do Saviñao segue buscando solucións ás antenas de telefonía móbil

A asociación veciñal do Saviñao decide facer esta solicitude á Xefatura Provincial de Telecomunicacións...