A asociación veciñal do Saviñao decide facer esta solicitude á Xefatura Provincial de Telecomunicacións da Delegación do Goberno, despois da falta de resposta da empresa propietaria, Vodafone, ó burofax enviado pola asociación, que tamén se queixa “da falta de sensibilidade da Alcaldía do Saviñao cos problemas platexados polos veciños, por non tomar medidas ao respecto”.

A preocupación polas emisións de radiación ás vivendas próximas ao colexio público, “xa é histórica e comeza co permiso concedido polo concello no ano 1997”.

A asociación considera que a cobertura da telefonía móbil é imprescindible a día de hoxe, “pero tamén hai que comprender que a veciñanza enténdea como unha ameaza para a saúde e rexeita a actual ubicación. Non debería resultar tan dificil nin problemáico o cambio a un punto mais alonxado da poboación”.