IniciosociedadeRibeira Sacra prepárase para unha das mellores Pontes da Constitución cunha ocupación...

Ribeira Sacra prepárase para unha das mellores Pontes da Constitución cunha ocupación do 74%

Cos datos recollidos ata o de agora, se as previsións se manteñen, a ocupación será dun 16% máis que no ano pasado, segundo informan desde o Consorcio de Turismo da Ribeira Sacra.

Publicado o

POR
redaccion
- Advertisement -

A previsión de ocupación para a Ponte da Constitución na Ribeira Sacra, desde este mércores, 6 de decembro, ata o domingo, 10 de decembro, é do 74%. Nos Hoteis de 4 e 5 estrelas darase a ocupación máis alta, do 85,38%; en Turismo Rural será do 68,40%; do 70% nas Vivendas Turísticas e de Uso Turístico e no Resto de aloxamentos do 71,40%.

A categoría de aloxamento que máis aumenta as previsións de ocupación con respecto ao 2022 é o turismo rural, con 20 puntos máis, seguido dos hoteis de maior categoría, con 10 puntos máis.

“A ocupación esperada é unha das máis altas dende que temos rexistros, só superada polo ano récord en Ribeira Sacra, o 2019, pero novamente temos que sinalar que o número de prazas sobre o que se estima a ocupación é moito maior agora”, sinalan desde o Consorcio de Turismo.

Cos datos recollidos ata o de agora, supéranse as previsións de ocupación que os responsables dos aloxamentos tiñan a finais de outubro, aínda que baixan lixeiramente en días laborais con respecto ao 2022.

Para decembro a previsión de ocupación nas fins de semana e festivos atópase nestes momentos preto do 60%. Desde o Consorcio de Turismo destacan, “É importante resaltar que moitos aloxamentos rematan tempada a partir da Ponte da Constitución e non reabrirán, previsiblemente, ata finais de febreiro ou principios de marzo”.

ÚLTIMAS

IGV demanda medidas “ante a crise de produtores de uva na Ribeira Sacra”

Interior Galego Vivo explica que "hai unha crise de excedentes de uva na DO...

O PP de Monforte urxe ao arranxo inmediato de varias rúas

Unha das actuacións ás que se comprometeu o goberno local é o arranxo do...

PP e IGV lamentan que a mellora da N-540 non remate ata 2027

O Partido Popular considera insuficiente o anuncio da adxudicación das obras de rehabilitación do...

5 viaxes ao ano e comidas de 400 persoas, a Asoc. de Pensionista e Xubilados de Pantón segue un plan que funciona

A Asociación de Pensionistas e Xubilados de Pantón fundouse no 2002. Na actualidade conta...