No seu momento, o Concello desestimou a pretensión da empresa, e seguiu adiante co proceso de licitación, que foi finalmente adxudicado o 5 de maio de 2021 á UTE “María Isabel Álvarez Sangil, Ruth Díaz Amor, Vicente Parra Vizcaino e Albergue Santiago 15, S.L, Unión Temporal de Empresas Ley 18/82, Numero 1”, UTE que tamén actuou como codemandada. Desde o equipo de goberno sinalan que a empresa Rutas Sacras SLU non presentou oferta neste proceso de licitación de xestión do Centro do Viño e outros servizos turísticos.
A sentenza favorable ó Concello indica, con respecto ó convenio colectivo de aplicación, “De conformidad con la regulación transcrita y atendiendo a la actividad que desarrolla la entidad “RUTAS SACRAS NOMAR UTE” en los distintos espacios del concello de Monforte de Lemos (hecho probado quinto), no resulta de aplicación el Convenio Colectivo Marco Estatal del Sector Ocio Educativo y Animación Sociocultural, puesto que la actividad desarrollada por el trabajador no se caracteriza por su carácter educativo o formativo, sino que tiene por finalidad divulgar información de carácter turístico respecto del concello de Monforte de Lemos, su comarca y el camino de Santiago. Al no resultar el convenio colectivo de OCIO EDUCATIVO y ANIMACIÓN SOCICULTURAL la entidad entrante en el servicio de gestión de los distintos espacios del concello de Monforte de Lemos no tenía la obligación de subrogar al demandante”.
Así tamén, o xulgado determina que o demandante non pode esixir que se prevea a subrogación dos traballadores, pois o convenio de aplicación (que é o de Axencias de Viaxe) non recolle a obrigatoriedade de subrogar.
En canto á alegación relativa ás pagas extraordinarias e á insuficiencia do número de traballadores para prestar a axeitada cobertura ós centros recollidos polo contrato, a sentenza sinala que “habiendo estado conforme la UTE que resultó adjudicataria, sólo se puede, concluir que el precio ofertado resultó adecuado y fundamentado económicamente, siendo indiferente, en consecuencia, que la parte actora entienda que era inviable”. O xulgado descarta así a inviabilidade na que se fundamentaba a pretensión da empresa demandante.
Coa desestimación do recurso contencioso-administrativo interposto por RUTAS SACRAS S.L.U. fronte ó Concello de Monforte e á actual UTE que xestiona o Centro do Viño e outros servizos turísticos do municipio, impóñenselle ó demandante as costas procesais, ata un máximo de 800€.
