Nos seus inicios, no 1980, a Feira do Viño de Quiroga celebrábase durante a festividade do San Martiño, patrón da vila Quiroguesa. Este ano será o 30 e o 31 de marzo.

Xunto coa confirmación da data tamén se presentou a primeira novidade dun evento que reunirá por terceiro ano ás adegas da subzona Quiroga- Bibei, un concurso para escoller o cartel anunciador deste evento. O concurso daralle ao gañador 300€ como premio.

A máis de dous meses da Feira aínda non son moitos os detalles feitos públicos, pero a partir de agora iranse coñecendo máis actividades organizadas con motivo da maior celebración da vila quiroguesa e que cada ano atrae a milleiros de persoas.