O concello de Bóveda organiza unha Festa de Entroido para o sábado, 10 de febreiro. Na praza da Filgueira contarase con carpa calefactada, música e hinchables para os nenos e nenas. O prezo do do menú infantil é de 5 euros, e de 10 o de adultos, que terán de xantar cocido. Os menores de 6 anos poden asistir de balde.

Desde o concello anímase á participación da veciñanza e que o fagan disfrazados para vestir máis esta festa de entroido que en caso de mal tempo se trasladaría ao pavillón municipal.

As entradas para participar da festa pódense adquirir nos seguintes establecementos:

• Bóveda: Día, Claudio, Ferretería, Carnincería Salgueiriña e Piensos Rivera.
• Rubián: Pili, Estanco, Restaurante Paco e Farmacia.