A Federación de Atención á Cidadanía da UNIÓN SINDICAL OBREIRA en Galicia (FAC-USO Galicia) volveu a recorrer o proceso de selección para a cobertura, en réxime de persoal laboral interino, dunha praza de auxiliar de clínica, por excedencia da titular e creación de bolsa de emprego.
Hai un mes, presentaran un primeiro recurso de reposición, porque case todas as vogais designadas, pola súa categoría profesional (auxiliar xerocultor, camareira-limpadora ou recepcionista), non ocupaban un posto de igual ou superior categoría á praza convocada.
Agora presentan un segundo recurso porque catro das seis vogais designadas son auxiliares xerocultoras, “polo que tampouco ocupan un posto de igual ou superior categoría á praza convocada”, sinalan.
Con todo, Fac Uso solicita a estimación do recurso, retrotraendo as actuacións ao nomeamento doutro tribunal, e, a continuación, efectuar outra convocatoria, mediante publicación no Boletín Oficial da Provincia. Instan tamén á suspensión automática do procedemento, sempre que non se resolva expresamente este segundo recurso de reposición.
