A aplicación utiliza un algoritmo que lle recomenda aos usuarios os lugares máis acordes cos seus gustos persoais, coa intención de que atopen lugares dos que se poidan namorar. Dende o departamento de turismo trabállase xa para que todos os núcleos do municipio aparezan. Para este tipo de difusión contouse coa colaboración económica da Deputación Provincial.

Con esta aplicación os visitantes poden acceder a moitas informacións sobre as aldeas de cada municipio, como as casas dispoñibles para vender ou alugar, os atractivos paisaxísticos e culturais, os servizos turísticos, as festas, a gastronomía… por iso está aberto a todas as persoas que queiran publicitar o seu negocio de xeito gratuíto.

O concelleiro de Turismo e Reto Demográfico, Vicente Parra, confirmou que se está traballando para realizar unha xuntanza coa asociación de empresarios e comerciantes para explicar o proceso para formar parte desta aplicación e resolver as dúbidas que poidan existir.

O Concello de Quiroga xa conta coa baldosa que contén o código QR que leva á aplicación Aldealista na que está incluído o municipio. O creador da aplicación, o economista e empresario, Juan Carlos Pérez Rodríguez, achegouse ata Quiroga no mes de novembro para facerlle entrega deste QR ao alcalde, José Luis Rivera e agora xa loce na fachada da oficina de turismo onde se pode capturar o QR que leva directamente á aplicación.