Homesociedade"Cóntanos a túa soidade" grávase este martes na casa da cultura de...

“Cóntanos a túa soidade” grávase este martes na casa da cultura de Quiroga

O Concello de Quiroga convida a toda a veciñanza que queira asistir á gravación do programa, duns 60 minutos de duración, este martes a partir das seis da tarde na Casa da Cultura.

Publicado o

POR
Redacción
- Advertisement -

A Casa da Cultura acolle este martes desde as 18:00, a realización dun programa no que se entrevistará a persoas maiores que viven soas, para o programa “Cóntanos a túa soidade” de Radio 50yPico, que se emite os mércores de 13:00 a 14:00 horas.

A Axencia para a Modernización Tecnolóxica de Galicia organiza da man de FEGAUS, a Federación Galega de Asociacións Universitarias Senior, un programa baixo o nome “Cóntanos a túa soidade”, que ten como finalidade combater a soidade non desexada entre as persoas maiores.

A soidade non desexada é un problema silencioso que afecta á vida de cada vez máis persoas maiores, polo que a través deste programa se poderá visibilizar esta problemática e dar voz a todas aquelas persoas que queiran compartir as vivencias da súa soidade.

Trátase dunha iniciativa na que se levarán a cabo entrevistas a diferentes persoas que vivan soas, durante as que poderán contar como se atopan, que dificultades teñen no seu día a día, e como se lles pode axudar etc.

      

ÚLTIMAS

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...