Unha árbore caída sobre o tendido eléctrico, que dá servizo á planta potabilizadora de Monforte, produciu unha incidencia no subministro de electricidade a dita planta. Este incidente no que traballa Unión Fenosa-Naturgy, está provocando, nestes momentos, a falta de abastecemento no subministro de auga nas parroquias do municipio.

Por parte da empresa Aqualia, concesionaria do subministro de auga do concello, requiríuselle a Unión Fenosa-Naturgy a instalación e utilización dun xerador para reestablecer o subministro eléctrico da planta potabilizadora, mentres duren os traballos de reparación da liña eléctrica por parte de Unión Fenosa. O xerador xa está en funcionamento e xa se está traballando para arranxar esta avaría, polo que dende o Concello agárdase que Unión Fenosa restableza a liña eléctrica o antes posible para que a potabilizadora recupere o seu funcionamento con normalidade

Nota informativa sobre análises de auga na cidade de Monforte

“O Concello de Monforte informa ós veciños e veciñas da cidade que, segundo chamadas recibidas na centraliña do concello por parte de persoas afectadas, parece ser que hai xente facendo controis polas casas sobre o estado da calidade de auga.

Dende o concello, infórmase que non se está facendo ningún tipo de control ou análise destas características en relación coa auga, nin por parte de persoal do Concello de Monforte nin por parte da empresa Aqualia.

Polo tanto, trasladámoslles ós veciños que teñan precaución”.