HomesociedadeBóveda celebra co alumnado do CEIP Rosalía de Castro, un obradoiro de...

Bóveda celebra co alumnado do CEIP Rosalía de Castro, un obradoiro de Trampas para Velutinas

O Concello de Bóveda colaborou co CEIP Rosalía de Castro e coa ANPA na realización dun obradoiro de trampas para velutinas impartido por Mieles Anta.

Publicado o

POR
Redacción
- Advertisement -

A actividade, que se desenvolveu no Centro Sociocultural, estivo dirixida por Paula, xerente de Mieles Anta e Mohamed, apicultor experimentado da empresa. Comezaron falando das características das abellas e da problemática coas velutinas e proxectouse un vídeo sobre o proceso de fabricación do mel e sobre a ameaza que supoñen as avespas velutinas na natureza.

Os alumnos/as coñeceron o traxe de apicultor e todos os instrumentos necesarios para o seu traballo. Amosáronlles tamén, como recollen o pole das patas das abellas e algunha velutina. Tiveron ocasión de probar mel directamente do panal. Por último, puxéronse mans á obra para realizar as súas propias trampas de velutinas e poder capturar moitas nesta tempada.

Cada alumno levou para a súa casa a trampa que elaboraron. Ademais, a empresa Mieles Anta fíxolles entrega de diferentes trampas para poñer nas árbores da zona verde do centro e intentar así estar libres de velutinas. Mieles Anta tamén obsequiou a todo o alumnado e profesorado do cole cun agasallo da súa propia produción.

“Foi unha xornada moi enriquecedora e de enorme utilidade”, explica o alcalde, José Manuel Arias, quen agradece a colaboración da empresa Mieles Anta e o interese do CEIP e da ANPA.

ÚLTIMAS

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...