Este xoves, 14 de marzo, o concello de Monforte levantará o precinto do local de hostalería situado na rúa Duquesa de Alba, concretamente os locais 1 e 2 do número 18, tras cumprir 2 meses de peche por acumulación de denuncias durante os anos 2022 e 2023, por incumprimentos nos horarios de peche establecidos pola lei. A sanción imposta tamén conlevou unha multa por importe de 301 euros.

A Lei 10/2017 de espectáculos públicos e actividades recreativas de Galicia, sinala que  denuncias deste tipo supoñen unha infracción grave, e que esta conleva adoptar a medida provisional, previa o inicio de expediente sancionador, de peche cautelar e precinto do devandito local, o cal se fixo efectivo en xaneiro.

Tras esta resolución, o Concello seguirá vixiante para que se cumpra esta normativa que regula o funcionamento deste tipo de locais de ocio nocturno, marcada pola Lei 10/2017 de espectáculos públicos e actividades recreativas de Galicia.