Os e as amantes das plantas, e do seu poder medicinal, teñen a vindeira fin de semana (días 22, 23 e 24 de marzo) un obradoiro de ‘espagiria’ en Torbeo, no Concello de Ribas de Sil. Nel ofrécese un achegamento a esta técnica de elaborar medicinas a partir de plantas mediante procesos alquímicos, procedementos, segundo informan os organizadores, que “inclúen a destilación e a extracción de compoñentes minerais das cinzas das plantas”.
PROGRAMA
O Curso de Espagiria está programado para os días 22, 23 e 24 marzo e será impartido por Joshua Simon (alquimista-naturopata).
Venres 22: bases teóricas e filosóficas da Alquimia e a Espagiria. Explicación dos métodos de destilacion que utilizo (Erlenmeyer, cafeteira, Soxhlet). Farase unha parada a media tarde.
Sábado 23: Será de 9:00 a 14:00 h. pola mañá e de 16:00 a 20:00 pola tarde. Empezase con destilacións co Erlenmeyer, despois a cafeteira, despois o Soxhlet. Pola tarde haberá un paseo de recoñecemento de plantas medicinais e testarase a súa enerxía sutil.
Domingo 24: Horario a seguir de 9:00 a 14:00 h. e de 16:00 a 19:00 h. Continuarase con destilacións e prepararanse as sales filosóficas para ir rematando os elixires. Temas a tratar: Caixa de primeiros auxilios de plantas medicinais, emprego dos elixires en terapéutica., bases da Medicina Natural e ‘Doutrina das Signaturas’.
Para inscribirse cómpre contactar con Carol no teléfono 641713728.
