Durante a xornada contouse coa visita da directora xeral de Ordenación e Innovación educativa, Judith Fernández, que transmitiiu as felicitacións da Xunta “por ter superado co mellor resultado este reto, no que non só tiveron que amosar unha gran solvencia a nivel de coñecementos, senón a capacidade de facer fronte aos nervios”. “Sodes un exemplo para os voso compañeiros”, afirmou.
O equipo monfortino proclamouse gañador tras superar unha disputada final que consistiu nun concurso de preguntas e respostas sobre cuestións financeiras no que se enfrontaron ao Colexio Santísima Trinidad, de Plasencia (Cáceres). Ademais dunha tablet para cada integrante do equipo, o centro recibiu 3.000€ para material escolar.
Precisamente co gallo deste triunfo, a OCDE decidiu celebrar o primeiro acto da 12ª edición da Global Money Week no Instituto IES Río Cabe, con este taller sobre cultura financeira. O obxectivo deste campaña mundial é fomentar a educación financeira, unha liña de actuación que tamén desenvolve a Xunta de Galicia con formación específica para os docentes e unha materia na ESO.
De inaugurar o acto encargouse a tenente de alcalde de Monforte, Gloria Prada, que desculpou a ausencia do alcalde e felicitou ó profesorado e ó alumnado. Desexoulles que “a través deste obradoiro poidades adquirir os coñecementos, comportamentos e actitudes necesarios que vos permitan tomar decisións financeiras adecuadas ao longo da vosa vida. Trátase de que poidades ter as ferramentas e as claves necesarias para poder desenvolver hábitos financeiros saudables.”
IES Río Cabe, coñecementos fincieiros inauguración / Concello de Monforte
