IniciosociedadeCalcúlase que haberá unhas 2.000 prazas para o programa "Coñece a túa...

Calcúlase que haberá unhas 2.000 prazas para o programa “Coñece a túa provincia”

O programa foi aprobado días atrás na Xunta de Goberno da Deputación de Lugo. Desde a súa creación, hai xa tres anos, está a ter unha gran acollida e axuda a dinamizar a actividade social e económica da provincia.

Publicado o

POR
Redacción
- Advertisement -

A Deputación de Lugo ofrecerá este ano preto de 2.000 novas prazas no programa de viaxes gratuítas Coñece a túa provincia. Tras a aprobación en Xunta de Goberno, haberá que esperar a que saia publicada a convocatoria desta nova edición no BOP para que as entidades asociativas sen ánimo de lucro dos 67 concellos lucenses poidan iniciar as solicitudes.

“Reeditamos polo tanto este programa, que desde a súa creación hai xa tres anos tivo unha gran acollida e supón un revulsivo importante para a actividade social e económica da nosa provincia a través da promoción do territorio”, valorou a deputada provincial socialista Pilar García Porto. Detallando a súa valoración, sinalou tamén que “desde setembro do 2021 máis de 8.000 participantes de 358 asociacións xeraron un retorno económico estimado de máis de medio millón de euros”.

Nesta tempada do 2024, cada excursión incluirá como en anos anteriores o transporte para os traslados de ida e volta dende o lugar ou lugares de orixe, menú de xantar e entradas e visitas ós diferentes lugares de interese. As viaxes e visitas serán realizadas coa compañía de profesionais que contan coa habilitación de guía oficial de turismo de Galicia e polo persoal encargado de atención ao público nos diferentes museos, empresas ou obradoiros sinalados nos itinerarios do programa.

As solicitudes para participar poderán formularse durante un prazo de 10 días, contados a partir do día seguinte á publicación da convocatoria no BOP.

ÚLTIMAS

Degustacións comentadas na XXIV Mostra do Aceite de Quiroga

A recreación da elaboración tradicional no muíño de Bendilló e a venda do aceite...

O PP esixe o “arranxo inmediato” da estrada LU-P-2903 en Bóveda: “Xa non poden circular camións ou tractores”

Os deputados do Grupo Provincial Popular de Lugo esixiron ao presidente da Deputación, José Tomé, o "arranxo inmediato"...

A candidatura da Ribeira Sacra a Patrimonio Mundial recibe o apoio da Secretaria de Estado de Turismo

A Secretaria de Estado de Turismo, Rosana Morillo, mostrou o seu total apoio á...

A Deputación destina 2,46M€ para a mellora de estradas provinciais

Xunta de Goberno da Deputación de Lugo aprobou este venres a adxudicación, por un...