HomesociedadeCabanas de madeira nun bosque embruxado con esculturas en Sober

Cabanas de madeira nun bosque embruxado con esculturas en Sober

O Concello de Sober contará na vindeira primavera coas primeiras cabanas de madeira que se constrúan nun bosque embruxado con esculturas pensadas para o público familiar. O Concello de Sober concederá a licenza de obra nos vindeiros días para que poidan dar comezo os traballos.

Publicado o

POR
Redacción
- Advertisement -

O promotor desta iniciativa de camping na natureza, o empresario local, Rubén Vázquez, decide poñer en marcha este proxecto de ‘As Cabanas do Sil’ no lugar de Santa Marta, na parroquia Barantes onde, nunha primeira fase da iniciativa vanse instalar tres cabanas de madeira con capacidade para 12 persoas.

A novidade da proposta reside no lugar de emprazamento das cabanas, un bosque autóctono de carballos, castiñeiros centenarios e bidueiros moi próximo ao Canón do Sil onde os protagonistas serán os trasgos, elfos e animais autóctonos, que buscan converterse nun atractivo para familias con nenos e nenas.

As tres edificacións serán construídas integramente en madeira e disporán de todas as comodidades; como cociña, baño e terraza. Tamén terán calefacción e aire acondicionado. A súa construción farase respectando a paisaxe e a natureza e tratando de integrar as casas na contorna. A parcela sobre a que se asenta o proxecto conta con 12.000 metros cadrados de superficie. Outra das novidades é que serán cabanas temáticas.

O rexedor do Concello de Sober, Luis Fernández Guitián, agradécelle ao promotor esta iniciativa que traerán á localidade “as primeiras cabana de madeira integradas nun bosque con esculturas da Ribeira Sacra”, o que vén a ampliar a oferta turística da que xa dispón a localidade.

Luis Fernández Guitián e Rubén Vázquez / Concello de Sober

ÚLTIMAS

600 alumnos de oito centros  da Ribeira Sacra participan en Monforte no Correlingua

O Parque dos Condes reuniu aos mozos e mozas de colexios e institutos baixo...

Recollida de plásticos agrícolas nas parroquias de Monforte este 27 de maio

A recollida de plásticos agrícolas levarase a cabo dende primeira hora da mañá e...

Chantada promociónase en Festur 2024 do 30 de maio ao 2 de xuño

O Concello de Chantada participa un ano máis en Festur 2024, X Feira de...

O folión de carros a ollos da infancia de Chantada

O próximo 24 de agosto celebrarase en Chantada o Folión de Carros, como é...