Nestes encontros debaterase e realizarase unha folla de roteiro para que as Comunidades de montes da zona teñan unha referencia de funcionabilidade e potenciación dos seus recursos e, desta forma, axudar ao posicionamento e fixación da poboación, persoas emprendedoras e empresas no territorio.

As datas e os lugares onde se van a realizar as xuntanzas son os seguintes:

• Martes, 21 de maio de 18.00 a 20.00 horas no Salón de Actos do Concello da Pobra do Brollón
• Martes, 28 de maio de 18.00 a 20.00 horas na Casa da Cultura do Concello de Taboada
• Martes, 04 de xuño de 18.00 a 20.00 horas na Casa da Cultura do Concello de Sober

Está convidada toda a cidadanía e persoas especialistas que queiran compartir os seus coñecementos, experiencia e ganas de realizar actuacións dentro dunha Comunidade de montes. Este proxecto vai realizar varias xuntanzas participativas nas que poder mostrar a diversidade de opcións e viabilidade económica das mesmas. Para iso, en cada xuntanza convidarase a asesorías/consultoras forestais, casos de éxito e funcionabilidades posibles do monte común.

“Montes de Saberes” Chantada / Acción contra el hambre

A anterior cita tivo lugar en Chantada, baixo o título “A profesionalización do turismo. Sinerxías e diálogos para o futuro do sector“. Iniciou a xornada a xerente do Consorcio de Turismo Ribeira Sacra, Alexandra Seara Sobrino, quen expuxo os desafíos, retos e potencialidades de todo o territorio, enfocándose nos proxectos sostibles que se están levando a cabo dende o Consorcio. Destacou o enfoque cara a competitividade do sector apostando pola certificación Q de Calidade Turística, así como polos manuais de boas prácticas realizados, e a constante aposta polos ciclos formativos e titorías específicas para que as persoas emprendedoras do sector poidan verse acompañadas en todo o proceso de implantación, mellora e/ou potenciación dos seus negocios.

Búscase validar o territorio cun plan de sostibilidade que agrupe a todos os sectores da zona: agrogandeiro, paisaxístico, cultural, etc., ampliando e fomentando unha oferta de restauración de calidade e servizo excelente. Apóstase pola xeración de experiencias / espazos que chamen a atención e interese do/a visitante, facéndoo/a disfrutar deste territorio máxico