O IES A Pinguela celebrou un animado acto de graduación no que 53 alumnos foron os/as protagonistas. Ademais das intervencións clásicas houbo festa, interpretación coa marimba de Laura e Aarón, e unha nota de humor que puxo Valentina…

As lembranzas deste percorrido de dous cursos puxéronos os alumnos/as e profesores/as participantes, pero tamén unha peza audiovisual con imaxes do seu paso polo instituto. Posteriormente, cada graduado e graduada recibiu a correspondente banda, orla e recordos da súa experiencia destes anos no centro monfortino.

Guiaron o acto a exalumna Noa Díaz Quintián, e o alumno de 1º de Bacharelato, Daniel Pombo; participando tamén o profesor e antiguo alumno Jacob Saa, que recordou o seu paso polas aulas. O remate contou coa intervención do director do Instituto, Enrique Sampil, quen animou ao alumnado graduado a seguir formándose e a traballar no seu futuro; e cunha emotiva actuación musical a cargo de Eva, Nuria e Julia.

A graduación tivo, despois do acto no Multiusos, continuidade cunha cea de confraternidade.