HomesociedadeBóveda saca a concurso o cartel anunciador da XX Feira Outrora

Bóveda saca a concurso o cartel anunciador da XX Feira Outrora

O prazo para presentar propostas creativas remata o 20 de xuño e o premio en xogo son 400 euros.

Publicado o

POR
Redacción
- Advertisement -

O Concello de Bóveda fixo públicas as bases de participación para concursar no ‘X Concurso de Carteis’, un certame que ten como obxectivo escoller a imaxe gráfica da XX Feira Outrora 2024.

O tema, como non podía ser doutro xeito, ten que representar a filosofía desta celebración, que non é outra que recrear un mercado tradicional galego dos que se facían dende finais do século XIX e ata mediados do XX.

As obras deben ser inéditas e os autores nunca vencellados coa organización nin familiares destas en primeiro grao. Os/as menores de 16 anos poderán participar con autorización das persoas responsables deles (pai, nai, titor ou titora).

O cartel debe conter o seguinte texto: XX Feira “Outrora”. Rubián. Bóveda. 14 de xullo de 2024. E o tamaño do orixinal será de 42 x 59 centímetros en posición vertical.

Outrora 2023 cartel / Concello de Bóveda
PRESENTACIÓN E ENTREGA

A entrega dos deseños, sen sinatura de autor/a, pode facerse en persoa no rexistro do Concello de Bóveda ou por correo electrónico ( cultura@concellodeboveda.com ), sendo a data límite o 20 de xuño de 2024.

A técnica será libre e no caso de entregar obras en formato dixital facelo en formato JPG e PDF a 300 ppp de resolución.

O premio para o gañador ou gañadora será de 400 euros e todas as obras presentadas pasarán a ser propiedade do Concello de Bóveda polo feito de participar. Tamén poderán ser obxecto de exposición ou reprodución sen xerarse ningún tipo de contraprestación. O Concello de Bóveda tamén se reserva sobre o cartel gañador o dereito a reproducilo e a difundilo polos medios de publicidade que estime oportuno, utilizando a imaxe completa ou parte dela para realizar material relacionado coa feira (dípticos, camisetas, etc). Ademais, o concello resérvase a posibilidade de realizar calquera modificación no cartel gañador, sempre que iso non supoña alteración esencial do mesmo.

As BASES completas están anunciadas no Concello e na súa páxina de Facebook.

ÚLTIMAS

Torre da Homenaxe en verde este 21 de xuño no Día Mundial da ELA

Como xesto simbólico e en sinal de apoio ás persoas con ELA (Esclerosis Lateral...

Quiroga formará a traballadores de atención a persoas con dependecia e axuda no fogar

O ISSGA, Instituto de Seguridade e Saúde Laboral de Galicia, no seu Plan de...

Este 21 de xuño preséntase no Auditorio de Chantada o proxecto do Museo Manuel Jorge

A xornada incluirá un coloquio e unha visita ao edificio que albergará o museo,...

286.000€ para a mellora do Aeródromo das Lamas en Monforte

Asfaltarase o firme da pista de voo a través de aglomerado en quente e...