A hostalería de Chantada empezou este venres o ‘Chantapas’, un certame de elaboracións gastronómicas de pequeno formato que pretende dinamizar o sector nesta fin de semana. O concurso desenvolverase ata o domingo 9 de xuño.
Este ano participan 8 establecementos, cada un con cadansúa tapa especialmente elaborada para a ocasión. Aquí vos deixamos o nome dos bares e restaurantes participantes co nome da tapa que ofrecen:
A Viñoteca: “Jugoso de tierra y mar”.
Cafetería Sylt: “Sandwich especial”.
Bar Pizzería Mar: “Minipizza primavera”.
La Cervecería: “Patacón de Abadía”.
Café Cantón: “Focaccia San Xoán”.
A Faragulla: “Chistorra, ovo e pataca”.
Café bar Centro: “Filloa rechea de horta e do mar”.
Carballeira: “Brocheta do mar”.
Nos establecementos participantes haberá “pasaportes” para que os clientes poidan votar á súa tapa favorita. Para poder emitir voto polo petisco escollido cómpre ter polo menos catro selos.
