O alumnado do centro monfortino recibiu parabéns do Conselleiro de Educación da Xunta de Galicia, don Román Rodríguez, dos reitores das 3 Universidades galegas (Ricardo Cao, da UDC, Antonio López, da USC, e Manuel Reigosa, da UVigo) e da alcaldesa da Coruña, presidente da CIUG. Todos coincidiron ó sinalar que no Coliseum da Coruña estaba nese momento o mellor talento de Galicia do seu curso. Rematouse coa actuación dun grupo musical.
Desde o IES da Pinguela aseguran que, “Estamos orgullosos do resultado das ABAU tamén en 2024 e desta promoción de 2º de Bacharelato que nos confiou a súa formación postobrigatoria. Dos 42 alumnos/as que superaron as probas (96% de aprobados), sumando as materias específicas, 14 alumnos superan o 12 (a terceira parte dos presentados), dos que 3 están amplamente por encima do 13, o que permite visualizar o esforzo desenvolvido durante estes dous anos”. E desénxalles sorte nesta nova etapa.
MEGABAU 2024 / IES A Pinguela
