Dende xaneiro do presente ano está dispoñible o programa da Xunta de gratuidade do trasporte público mara maiores de 65 anos, denominado “TARIFA + 65” coa tarxeta de mobilidade de Galicia (TMG).

Aseguran desde a Asociación ter recibido queixas dos veciños polas dificultades para aceder a esta tarxeta dado que para conseguila deben desprazarse ata as oficinas de Abanca de Monforte ou Chantada ó non estar autorizada a de Escairón, “o que parece un sinsentido e un obstáculo para ser beneficiarios deste servizo. Este servizo é de sumo interese para os que vivimos no rural dadas as dificultades de mobilidade e desprazamento que temos no territorio”, engaden.

Con todo a Asociación solicita á alcaldía que faga as xestións necesarias para facilitar aos veciños do Saviñao a posibilidade de que este trámite poida ser feito na oficina de Abanca de Escairón “ou haberá moitos veciños que non poidan disfrutar deste servizo público por falta de interese ou de diplomacia. O trasporte público é un elemento imprescindible para ter mobilidade e polo tanto para manter a vida no rural”, conclúen.