O Concello de Triacastela conta desde primeiros de agosto cunha oficina de información ao peregrino que atende María Elena López desde o baixo da Casa Consistorial.

Ademais de ofrecer información turística e recomendacións aos camiñantes, na oficina tamén se sela a credencial e poden consultar folletos e material divulgativo sobre o pobo e sobre o Camiño Francés.

Tamén se lle fai unha enquisa de satisfacción aos e ás camiñantes para coñecer a súa opinión sobre a ruta xacobea e sobre os lugares, servizos e establecementos que visitan.