A parroquia de Vilar de Lor está formada polos núcleos de Bustelo de Lor, Lamas de Lor, Orxais, Soán, Vilar de Lor, Xestoso. As actuacións levadas a cabo na LU-P-5005 consistiron na limpeza de cunetas, rehabilitación do firme con aglomerado en quente e incremento da seguridade vial coa renovación da sinalización horizontal e vertical.

Estas melloras benefician directamente a 200 veciños da parroquia e a todos os turistas que habitualmente utilizan esta vía, xa que dá acceso ao Alto de Aldriz, unha zona moi visitada por practicantes dos deportes de montaña e sendeiristas.

As actuacións contaron cunha achega da Deputación de 53.000 euros.