IniciosociedadeMonforte acende a luminaria de festas e mellora o mobiliario da escola...

Monforte acende a luminaria de festas e mellora o mobiliario da escola infantil

Benvida ao Nadal co acto de prendido de luces na Praza España e agasallos en forma de equipamento dixital para a gardería pública.

Publicado o

- Advertisement -

Con máis modestia e austeridade que Vigo, calquera lles tuse neste tema, a cidade do Cabe fará o acendido oficial de luces de Nadal este mércores 5 ás 20:00 h. na Praza España, lugar onde cada ano se sitúa a árbore cónica ten característica. Este ano, no canto da árbore, lucirá unha estrela luminosa.

Noutra orde de cousas, o concello vén de dotar á escola municipal pública dunha Smart TV de 55 pulgadas e dúas tablets así como tamén un kit de vallas móbiles infantís para empregar tanto no interior como no patio.

O Alcalde explica que “coa compra dos dispositivos de novas tecnoloxías, Smart TV e tablets, conseguimos ampliar o equipamento dixital”. José Tomé engade que “hoxe en día contar cunha aula dixital é imprescindible, axuda a que os nenos e nenas traballen dunha forma máis creativa e ademais consegue motivar o interese dos cativos, posto que permitirá que poidan acceder ós contidos dunha forma moito  máis dinámica e atractiva”.

No caso das vallas móbiles o rexedor monfortino indica que este mobiliario permitirá ampliar as opcións de actividades a realizar e incluso dividir a clase en grupos máis pequenos.

Vallas móbiles. Fonte: Concello de Monforte

Con estas dotacións búscase mellorar a seguridade da instalación educativa, a comodidade dos nenos/as e conseguir que os pequenos/as teñan acceso ás últimas tecnoloxías como complemento e apoio á súa aprendizaxe convencional.

As melloras están cofinanciadas polo Fondo Europeo de Desenvolvemento Rexional e contan tamén cunha axuda da Xunta de Galicia tras terlla solicitado a administración municipal.

 

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...