Respecto desta iniaciativa que se vén repetindo dende hai anos, o Alcalde do Concello de Monforte, José Tomé Roca, di que “dende o concello, sumámonos a esta iniciativa e queremos facela extensiva a toda a cidadanía iluminando de verde a Torre da Homenaxe, pois é unha enfermidade que afecta a millóns de persoas en todo o mundo. O Alzheimer non só impacta a quen o padece, senón tamén ás súas familias e coidadores e, por extensión, ao conxunto da sociedade”,
Con motivo do ‘Día Mundial do Alzheimer’, a Confederación Española de Alzheimer y Otras Demencias (CEAFA), lanzan a Campaña “Concellos Solidarios co Alzheimer”, proxecto ao que o Concello de Monforte está adherido e a través do cal edificios e monumentos de toda España ilumínanse de cor verde co fin de mostrar o compromiso na loita contra esta enfermidade e de aumentar a sensibilización e concienciación da sociedade en relación á mesma. O lema escollido para a campaña deste ano é Somos específic@s.
“a cor verde é un símbolo de esperanza e solidariedade na loita contra o Alzheimer”
Segundo o rexedor monfortino, “a cor verde é un símbolo de esperanza e solidariedade na loita contra o Alzheimer. Ao iluminar o Concello de verde enviaremos unha mensaxe de apoio e solidariedade a todas as persoas afectadas por esta enfermidade, así como aos seus familiares e coidadores. Ademais, promoveremos a concienciación sobre a importancia da investigación, o diagnóstico precoz e o apoio ás persoas afectadas polo Alzheimer”.
A DOENZA DO ALZHEIMER
Esta doenza é unha causa de demencia, a principal, pero non a única. Alois Alzheimer describiuna como unha enfermidade dexenerativa cerebral na que se perden neuronas, prodúcese o acúmulo dunha proteína anormal (amiloide) e mostra lesións características (placas senís e nobelos neurofibrilares).
Ademais dos síntomas relacionados coa perda de capacidade intelectual e funcional, ao longo da evolución da enfermidade aparecen os denominados síntomas condutuais e psicolóxicos da demencia (SCPD).
Existen tres tipos: os trastornos do estado de ánimo (depresión, ansiedade e apatía); a axitación (agresividade, irritabilidade, inquietude, berros e deambular errático); e os síntomas psicóticos (alucinacións visuais, auditivas e delirios). Co tempo, todo iso aboca a unha incapacidade da persoa que padece esta enfermidade.
Estímase que en españa poida haber unhas 4.800.000 persoas que padecen a enfermidade
Segundo datos de Confederación Española do Alzheimer e outras demencias (CEAFA) estímase que padecen a enfermidade unhas 4.800.000 persoas en España. A cifra elévase a máis de 1.200.000 persoas afectadas tendo en conta quen a padece directamente e os seus familiares coidadores.
