As actuacións, das que se encarga a empresa Opaga 003 SL, afectan a dous quilómetros de vía, entre os puntos quilométricos 2 e 4. Cun prazo de execución dun mes, os traballos consisten na mellora da drenaxe, reparación de desperfectos e a pavimentación do firme.

Trátase dunha actuación importante porque esta estrada dá servizo a diferentes adegas e viñedos deste concello da Ribeira Sacra, está na contorna do Camiño de Inverno e no de varios recursos turísticos, como a igrexa de San Martiño de Siós do século XVIII ou á de Santo Estevo de Espasantes reconstruída no XVII.