Pacto fronte eólicos conta co apoio de máis de 100 persoas, do principal partido da oposición así como membros destacados do BNG e co máis representativo sector económico en apenas 12 días.

O PSOE asegura que, “Entendemos que a instalación de muíños eólicos afecta directamente á saúde humana, ao desenvolvemento das actividades socioeconómicas, nomeadamente agricultura e gandaría, ademais de alterar a fauna e flora do nosa contorna e ao Patrimonio arqueolóxico do concello”.

Outro dos efectos negativos é a evidencia de que nun radio de varios quilómetros o valor das propiedades, tanto as terras como as casas e outras infraestruturas perden parte do seu valor de mercado e mesmo algunhas poden quedar totalmente desvalorizadas. “Pode que o concello reciba ingresos pola instalación, ao igual que as parcelas ocupadas de xeito
momentaneo, pero unha gran maioría vai sair perxudicada na saúde e na ecomomía, o patrimonio cultural e ambiental, polo que defendemos que son moitos máis os perxuízos causados”, sinalan os promotores de Pacto fronte eólicos.

Denuncian que se está indo cara un modelo de desenvolvemento do territorio baseado nos recursos naturais, paisaxísticos e patrimoniais que son de grande relevancia, mesmo suficientes para que se volva tentar sacar a candidatura de Ribeira Sacra como Patrimonio da Humanidade co que isto supón para ou desenvolvemento do sector terciario en xeral e reforzo do primario, nomeadamente na súa vertente vitivinícola.

“Agradecemos estes apoios e facemos chamamento a asociacións de empresarios, empresas e autónomos con valores de desenvolvemento sostible e responsabilidade social a sumarse tamén, a todas, especialmente as do sector agrario e turístico xa que serán gravemente afectadas se se realizan este tipo de proxectos”, conclúen.