Segundo as persoas afectadas, na actualidade hai unha avaría que leva 3 meses sen solucionarse, pero nos últimos 6 anos xa van máis de 10 avarías nun tramo de 50 metros provocando constantes perdas de auga. 

“O tempo de duración do arranxo das avarías é de 6-7 meses ata volver á normalidade pero ao cabo de 1 ou 2 meses volven os problemas”, aseguran. “Como consecuencia, os veciños vémonos na obriga de circular, durante meses por dita rotonda, incumprindo as normas de tráfico (circulando pola marxe esquerda, entrando ou saíndo pola esquerda, etc.)”.

Quéixanse de que tampouco existe sinalización nin luminosa nin vertical adecuada, “como marca a normativa de sinalización de obras, co conseguinte risco que supón circular por dita vía ás horas de menos luz”.

Nesta situación as persoas afectadas solicitan o arranxo inmediato e na súa totalidade tanto do asfaltado como da tubaxe por baixo da rotonda do Porto Seco na estrada que une Monforte coa parroquia de Reigada.

Rotonda Monforte Reigada / Veciñanza afectada