O Mondial des Vins Extrêmes, celebrouse no Val de Aosta, Italia, os días 29 e 30 de setembro, contando coa participación de 356 adegas de 25 países e un total de 1.015 viños inscritos. O xurado, composto por 50 técnicos catadores internacionais, outorgou 64 Grandes Medallas de Ouro e 241 Medallas de Ouro, entre outros premios especiais.
Da D.O. Ribeira Sacra participaron 16 adegas cun total de 39 mostras, que obtiveron 13 medallas:
Gran Medalla de Ouro:
- Godello Pazo da Maga 2023 – Pazo da Maga S.L.U. (Sober, Lugo)
- Mencía Quitapesares 2020 – Adega Vella Xeracions S.L. (Abeleda)
Medalla de Ouro:
- Vía Romana Mencía La Heroica 2019 – Adega e Viñedos Vía Romana (Chantada, Lugo)
- Pizarras y Esquistos 2021 – Adega Ponte da Boga S.L. (Castro Caldelas, Ourense)
- Brancellao 2022 – Pazo de la Cuesta (Ribas de Sil)
- Mencía Don Xoan 2023 – Bodega Gullufre (Sober, Lugo)
- Mencía Prómine Singular 2023 – Bodegas Petrón S.L. (Doade, Sober, Lugo)
- Mencía Don Bernardino Ibio 2021 e Mencía Don Bernardino Carcava 2023 – Don Bernardino (Sober, Lugo)
- Mencía Don Cosme 2022, As Covas 2019 e Godello Inseparables 2021 – EDV S.L.U. (Quiroga, Lugo)
- Origen 2020 – Regina Viarum S.L. (Sober, Lugo)
Este concurso busca promover e poñer en valor a viticultura en zonas con dificultades extremas; viños producidos en rexións de montaña ou procedentes de cultivos heroicos (terrazas ou terreos con máis do 30% de pendente ou altitude superior a 500 metros s.n.m. ou das pequenas illas). Ademais de recoñecer a singularidade destes viños, o certame destaca o esforzo dos viticultores e adegas na conservación do medio ambiente e o territorio. Esta competición forma parte da Federación dos grandes concursos enolóxicos internacionais (VINOFED). O recoñecemento acadado no Mondial des Vins Extrêmes subliña a relevancia desta denominación dentro do panorama internacional dos viños de montaña.
