Desde o Concello do Saviñao fan un chamamento á solidariedade de toda a veciñanza e de toda a xente dos arredores para colaborar cos damnificados e damnificadas pola DANA na comunidade valenciana.

Con esta intención están organizando un evento solidario no que se poderá gozar de actuacións musicais e facer doazóns de alimentos non perecedoiros, roupa e vestimenta. Tamén haberá unha urna económica onde a xente pode depositar cartos para a causa.

EVENTO SOLIDARIO

Os Tarabelos de Escairon e a banda Gin Toni’s ofrecerán unha actuación solidaria no Auditorio de Escairón o venres 29 de novembro, a partir das 20:45 h. A entrada ao acto será de balde e convidarase a colaborar mediante doazóns na urna económica, así como con roupa ou alimentos non perecedoiros.

O Concello do Saviñao encargarase da xestión, transporte e fará tamén unha achega económica correspondente á recadación total das doazóns realizadas por persoas, empresas, asociacións e doutros concellos que desexen sumarse a esta causa.