O obxectivo deste tipo de actuacións é substituír instalacións que estaban en mal estado, modernizándoas e facendo que as dotacións públicas municipais sexan máis eficientes, evitando avarías.

O voceiro da Deputación, Santos Ramos, destacou na visita que este martes fixo a Sober, que a Deputación está comprometida co rural rehabilitando servizos municipais, como traídas de auga, redes de abastecemento, sistemas de iluminación públicas, accesos ou camiños, “porque cremos que é o noso deber garantir a igualdade de oportunidades vivas onde vivas”, destacou.

As obras na rede Rosende consistiron na ampliación e prolongación nun treito de 2 quilómetros da rede municipal de abastecemento de auga, que vai ata o Campo de San Miguel, e que ofrece subministro a todos os veciños da parroquia. Tamén se executarán melloras na parroquia de Figueiroá, das que se beneficiarán núcleos rurais como O Taro, Vilabalde, Prados, Xanimol ou Veleigaz.