As xornadas de portas abertas dentro do programa “Coñece os Museos de Quiroga” e a inclusión en programas de diferentes centros educativos, así como o programa turístico “Descubrir Quiroga” contribuíron a acadar estes bos resultados.
O Museo Xeolóxico, dende a súa posta en marcha no ano 2011 recibiu as 28.540 visitas, número que no caso do Museo Etnográfico, que abría as súas portas 4 anos antes, queda fixado en 30.216. Dende os seus comezos suman polo tanto preto de 64.000 as persoas que se achegaron a coñecer este territorio e o do Xeoparque Montañas do Courel a través destes dous recintos museísticos.
A Oficina de Turismo recibiu a 3.624 persoas que se achegaron ata estas instalacións situadas na Casa da Cultura, principalmente para coñecer cuestións relacionadas co Xeoparque Montañas do Courel. No caso da procedencia destes demandantes de información con diferencia encabezan a lista madrileños, seguidos dos barceloneses e galegos. En canto ás consultas a través de chamadas telefónicas sitúase en 524 e 346 as feitas a través de correo electrónico.
Destácase o alcance nas redes sociais. A aplicación en Instagram de turismoquiroga, posta en marcha no 2024, tivo un alcance de 111.429. A páxina web do Concello de Quiroga tivo neste pasado ano 26.786 visitas.
