Este 22 de xaneiro comeza unha nova edición de FITUR e será na primeira xornada cando teña lugar a presentación do xeodestino baixo o título “Ribeira Sacra, Candidatura a Patrimonio Mundial e compromiso coa mobilidade sostible e a mellora continua”, presidida por D. Alfonso Rueda Valenzuela, Presidente da Xunta de Galicia.
Un primeiro bloque estará adicado á descrición do novo Plan de Sostibilidade Turística que se vén de iniciar e que explicará o Presidente do Consorcio, D. Luis Fernández Guitián. O segundo, dirixido polo Consellerio de Cultura, Lingua e Xuventude, D. José López Campos, centrarase na candidatura a Patrimonio Mundial “Ribeira Sacra, Paisaxe da auga”.
Durante o acto que se levará a cabo no stand de Galicia intervirán tamén a Jefa de Área de Planes de Sosteniblidad Turística en Destinos y Coordinación, Secretaría de Estado de Turismo, Dna. Cristina Belinchón Moyano, o Presidente da Deputación Provincial de Lugo, D. José Tomé Roca e o Presidente da Deputación Provincial de Ourense, D. Luis Menor Pérez.
Premios Viajes National Geographic
Este 21 de xaneiro danse a coñecer as candidaturas da III Edición dos Premios dos lectores da revista Viajes National Geographic. Ribeira Sacra é un dos 5 destinos aspirantes a mellor destino rural de España, xunto con Olite e Zona Media, Subbética cordobesa, Los Cameros, Ciudad Rodrigo e Sierra de Francia. Ata o próximo 21 de febreiro poderase votar entre os finalistas das 16 categorías deste 2025 a través do seguinte enlace:
