A finalidade do encontro era poñer en valor as posibilidades de emprender no rural e dar a coñecer os recursos que facilita o Goberno galego á hora de implantar ou consolidar un negocio. No acto participou a directora territorial da Consellería de Emprego, Comercio e Emigración, Carmen José López.

Dende os Polos de emprendemento da Xunta promoven este tipo de encontros cos empresarios para poñer en común estratexias e explicar as liñas de apoio que facilitan a posta en marcha, consolidación e mellora da competitividade das empresas.

A Administración galega ofrece apoio económico a través de distintos programas de axudas; así como asesoramento técnico gratuíto a través da rede de Polos, que en Lugo conta con cinco centros – situados en Sarria, A Fonsagrada, Friol, Mondoñedo e Monforte de Lemos – nos que se levan atendidos case 800 proxectos.