A AV asegura ter recibido queixas e peticións veciñais relacionadas coas carencias na xestión do lixo no territorio municipal e reclaman:

• Maior frecuencia na recollida de lixo nas parroquias nos meses estivais, xullo e agosto, dada a acumulación nesas datas do lixo que rebosa dos contedores. Dado o marcado incremento da poboación nesas datas solicítase o reforzo no servizo de recollida nese periodo.

• Reposición permanente dos contedores deteriorados dada a grande cantidade deles que así o demandan por aparentar rotos, sen rodas ou sen tapa.

• Solicitar a limpeza periódica do interior dos contedores para evitar os cheiros e lixiviados resultantes da basura acumulada.

• Pregúntase porque se a recollida de lixo é selectiva nos contedores, posteriormente, nos camións que a trasportarán, mestúranse todos a excepción do vidro. Non ten sentido unha recollida selectiva nos domicilios se despois vai ir toda mesturada á planta tratamento.

• A propósito do suceso do incendio en agosto do pasado no “falso punto limpo“ do antigo mercado gandeiro, solicítase a creación dun Punto Limpo oficial que estea aberto a diario, ó menos media xornada matinal, e onde se clasifiquen e separen os distintos verquidos (de obra, mobiliario, electrodomésticos, etc. ).

• Dado que a cuberta do vello mercado gandeiro é de uralita, considerada canceríxena sobre todo se arde, é urxente a substitución da totalidade da cuberta deste recinto.