Lembran desde o sindicato que “a perda da área sanitaria vendéronola de tal xeito que ían vir aquí todos os especialistas de Lugo a pasar consulta. Nada máis lonxe da realidade, hoxe vímonos de enterar de que están chamando a xente por teléfono para ir ao HULA a pasar a consulta de dermatoloxía”.
A esta situación engádese o anunciado problema coas mamografías que tamén se están fancendo en Lugo. Cuestión que consideran especialmente grave ao ter un compoñente sexista “ao ser unha proba que so lles afecta as mulleres, non teñen a mesma presa en arranxar o problema”.
Consideran que se o aparello estropeado fora o TAC estaría funcionando enseguida e lamentan que cada vez máis especialidades requiran que os pacientes se teñen que trasladar ao HULA, como está acontecendo con dermatoloxía.
“Pedímoslle ó SERGAS que contrate Dermatólogos e que pasen a consulta no noso Hospital e que arranxe dunha vez o mamógrafo para que as pacientes de Monforte non se teñan que deprazarse a Lugo”, conclúen.
